Bihar izango da Heltan izena emateko azkeneko eguna
2021-2022 ikasturtean hogei ikastaro gehi beste bi saio eskainiko dituzte Helduen Tailerrek. Urrian hasiko dira ikastaroak.
Helduen Tailerretan (Helta) izena emateko azken eguna bihar izango da, hilak 10. 2021-2022 ikasturtean hogei ikastaro eskainiko dituzte.
Horiez gain, zen meditazioa (hilean bi egunetan) eta meditazio dinamikoa ere eskainiko dituzte (ostiraletan 18:30etik 20:00etara). Biak Iturriotzen izango dira.
Beraien webgunean edo lokaletik pasatuta eman daiteke izena. Modu presentzialean egin nahi izanez gero, Karaez 4ko lokalera jo beharko da, 10:00etatik 12:00etara edota 17:00etatik 19:00etara.
Ikasturte osoaren prezioa 80 eurokoa izango da oiartzuarrentzat, eta 110ekoa herrian erroldatuta ez daudenentzat. Hiruhileko bat egin naiz izanez gero, 40 eta 55 izango dira epe bakoitzeko.
Oiartzunen erroldatutakoek eta 55 urtetik gorakoek izango dute lehentasuna, Heltak jakinarazi duenez. Taldeek edukiera mugatua izango dute; gaindituz gero, zozketa egingo dute.
Honakoak izango dira eskainiko dituzten ikastaroak:
- Ariketa mentala.
- Bertsolaritza.
- Egur taila.
- Ehoziriak.
- Euskal dantza.
- Gimnasia.
- Gitarra.
- Joste lanak.
- Luzaketak.
- Margolaritza.
- Mindfulness.
- Patchwork.
- Pilates.
- Pilates terapeutikoa.
- Tai chi.
- Yoga.
- Zaharberritzea.
- Argazkilaritza.
- Dantza latinoamerikarrak.
- Masajea.
Informazio gehiago behar duenak e-posta bidez idatz dezake, edo Whatsappez bidez (618 09 11 76). Informazio gehiago biltzeko, Heltaren webgunea bisita daiteke.