Giriziakoak mendira bueltatuko dira asteburuan
Olabe eta Saigots artean txangoa egingo dute, Ezkabako Ihesaren ibilbideko bigarren etapa egiteko. Garmendi txokolategian eman beharko da izena.
Olabetik hasiko da txangoa. Girizia Mendi Elkarteak irteera antolatu du datorren iganderako —urriak 3—. Ezkabako Ihesaren ibilbidearen bigarren etapa egingo dute, Olabe eta Saigots artean.
Bost orduko ibilbidea egingo dute, atsedenak kontuan hartuta. Zubirin bazkalduko dute ibilaldia bukatzean.
Izena eman daiteke Garmendi txokolategian. Prezioa 38 euro izango dira, autobusa eta bazkaria kontuan hartuta. Izena emateko momentuan 20 euro ordaindu beharko dira.
Autobusa Haurtzaro Ikastolako aparkalekutik aterako da, 07:30ean. Gogorarazi dutenez, maskara janztea beharrezkoa izango da autobus barruan.
