Oarsoaldetik Hatortxu Rockera joateko autobusa antolatu dute

Abenduaren 18an egingo dute musika jaialdia, Atarrabian (Nafarroa). Hara joateko eta handik bueltatzeko autobusa antolatu du Ernaik.

hatortxu rock oarsoaldea 2021

Aurtengo ekitaldia ohiko formatura bueltatuko da.

Hatortxu Rock musika jaialdiak 25. ekitaldia egingo du abenduaren 18an, Atarrabian (Nafarroan). Oarsoaldeko Ernaik bertara joateko —eta garrantzitsuena, bertatik bueltatzeko— autobusa antolatu du.

Autobusa Errenteria-Oreretatik aterako da, Niessen pareko autobus geltokitik (Nafarroa etorbidean). 14:30ean abiatuko da Nafarroara, eta Atarrabiatik jaialdia bukatzean itzuliko da (06:00etan).

Izena emateko zerrendak hainbat tabernatan jarri dituzte: Sindikaton, Errenteria-Oreretan; Oiartzungo Kastron; eta Lezoko Tiñelun.

Euskal presoek senide eta gertukoek pairatzen duten sakabanaketa politika salatzeko antolatu dute, beste behin. Irabazi ekonomikoak ere sakabanaketaren aurkako lanera bideratuko dituzte.

Elkartasunezko jaialdi horrekin bat egin duten taldeak honakoak dira:

  • Skakeitan.
  • Tribade.
  • Dupla.
  • Bide Bakarra.
  • Afu.
  • Galtzagorriak.
  • Rodeo.
  • Irkaia.
  • Ibil Bedi.
  • Talco Maskerade.
  • Dj Plan B.
  • Green Valley.
  • Nogen.
  • Tremenda Jauria.
  • Segismundo Toxicomano.
  • Kaotiko.
  • Soziedad Alkoholika.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.