Futbol talde nagusiek urtarrileko aldapa beheraka hasi dute
Ugaldetxon jokatutako partidak garaipen banarekin hasi dituzte Oiartzun Kirol Elkarteko neska eta mutilek, nagusitasunez.
Oiartzuarrek etxean hasi dute 2022a. Oiartzun Kirol Elkarteko futbol talde nagusiek modu onean hasi dute urtea. Biek ala biek jokatu zuten Ugaldetxon, eta hiru puntuak poltsikoratzeko gai izan ziren.
Neskek 1990eko hamarkadako derbia jokatu zuten atzo, Añorgaren bisita jasota. Partidako gol bakarra lehen zatiaren erdialdean iritsi zen, Rebecca Dianak lortuta. Oiartzuarrek izan zuten aldea handitzeko aukera sorta, baina ez zuten asmatu añorgarren atea aurrean.
Bigarren zatian, ohiko nekeari zelaiaren egoerarena batu zitzaion, euri asko bota baitzuen. Hala ere, inork ez zuen Oiartzunen garaipena urardotu.
Mutilek larunbat arratsaldean jokatu zuten, Hernaniren kontra. Bolada erabat negatiboa zeramaten Ohorezko Erregionaleko jokalariek, eta urte berriak eten du. Jokoaren lema oiartzuarrek eraman zuten, partida osoan zehar, eta ez zuten hondorik jo: partidako bi golak bigarren zatian sartu zituzten. Urtea hasteko beharrezko baltsamoa hartu dute mutilek.
FUTBOLA
Emakumeen Lehen Nazional Maila
- Oiartzun — Añorga: 1-0.
Gizonezkoen Ohorezko Erregional Maila
- Oiartzun — Hernani: 2-0.
Emakumeen Ohorezko Erregional Maila
- Mariño — Oiartzun: 2-5.
Gizonen Gorengo Maila
- Oiartzunek atsedena izan du asteburuan.
Emakumeen Gorengo Maila. Igoera Fasea
- Intxaurdi — Oiartzun: 4-0.
ARETO FUTBOLA
Gizonen Gipuzkoako Lehen Maila
- Oiartzun KE — IDK Pari Berri: bertan behera.
Gizonen Gipuzkoako Bigarren Maila
- Goierri — Miren Taberna: 3-5.
SASKIBALOIA
Gizonen Gipuzkoako Bigarren Maila
- Oiartzungo Saskilagunek atsedena izan dute asteburuan.
Emakumeen Gipuzkoako Bigarren Maila
- Oiartzungo Saskilagunak — Saski Goiena Hemen Garbiketak bertan behera geratu zen.
