Pirritx, Porrotx eta Marimototsen emanaldia aurrerago eskainiko dute
Ugaldetxo Kultur Taldeak iragarri duenez, hilaren 30ean egitekoak ziren ekitaldia atzeratu egin dute, data jakinik gabe, egoerak eta dekretuek hala baldintzatuta.
‘Kuikui’ ikuskizuna da pailazoen aurtengo ikuskizuna.
Ugaldetxo Kultur Taldeak urtero-urtero antolatzen du Pirritx, Porrotx eta Marimotots pailazoen emanaldia, Elorsoro kiroldegian. Aurtengoa, berez, hilaren 30erako zuten programatuta.
Hala ere, bertan behera utzi dutela jakinarazi dute. Erabaki hori hartzeko bi arrazoi eman dituzte: osasun egoera bera eta lehendakariaren abenduaren 28ko dekretua.”Gure ustez momentu honetan ez dira baldintzak betetzen emanaldi honekin aurrera jarraitzeko”, azaldu du Ugaldetxo Kultur Taldeak.
Horregatik, urteroko emanaldia aurrerago eskaintzea erabaki dute. “Gure nahia horrelako emanaldi batean ahal den haur eta guraso gehienen parte hartzea bermatzea da, horregatik emanaldi hau aurrerago eskaintzea pentsatu dugu, beti ere osasun egoerak eta baldintzak uzten badigute”, gaineratu dute ekitaldiaren antolatzaileek.
