"Haurraren gizarteratzean eta gure herriaren garapenean gai horiek duten garrantziaz jakitun", D ereduan matrikulatzera gonbidatu ditu gurasoak udalak.
Hiru ikastetxeetako ordezkariak, Itziar Ostolaza zinegotziarekin batera. 
2019 eta 2020an urteetan jaiotako haurren gurasoak adi egon daitezela. Izan ere, Errenteria-Oreretako hiru ikastetxe publikoek, Bizarain Ikastolak, Cristobal Gamon Ikastetxeak eta Koldo Mitxelena Herri Ikastetxeak, matrikulazio kanpaina zabalduko dute datorren astelehenean (hilak 17). Gaur aurkeztu dute kanpaina hiru ikastetxeetako ikasketaburuek, Itziar Ostolaza zinegotziarekin batera. Aurkezpenean azaldu dutenez, hilaren 28a izango da izena emateko azken eguna. Aldi berean, herriko beste ikastetxeetan ere zabalduko dute astelehenean matrikulazio epea.
Lau ordezkariek herriko eskola publikoaren “eskaintza hezitzailea” azaldu diete hedabideei, “euskalduna eta kalitatezkoa” dena haien hitzetan.
Interesa duten gurasoek ikastetxearekin zuzenean jarri beharko dira harremanetan. Datozen asteetan instalazioak ezagutzeko aukera ere emango dietela jakinarazi dute gaurkoan.
Dena den, 2019 eta 2020an jaitako haurren gurasoek etxean gutun bat jasoko dute, informazio guztiarekin.
Matrikulatzeko, hautatu beharreko hizkuntza eredua eta ikastetxearen kokapena kontuan hartu beharko da. Azkenik, “haurraren gizarteratzean eta gure herriaren garapenean gai horiek duten garrantziaz jakitun”, D ereduan matrikulatzera gonbidatu ditu gurasoak udalak.
Oarsoaldeari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako.Herrigintza egin nahi dudalako.Oarsoaldeko euskarazko komunitatearen parte izan nahi dudalako. Oarsoaldeko herritarrok behar dugulako.
