Garaipen gozoa Iruñean, hondamendia Irunen
Oiartzungo neskek Mutilveraren etxean nagusitzea lortu dute, Ane Lopez de Herediaren gol batekin. Mutilek ahazteko moduko partida egin dute.
Mutilveraren kontrako joaneko partidako irudia, Ugaldetxon.
Urtea modu bikainean hasi dute Oiartzun Kirol Elkarteko neskek. Atzo garaipena ekarri zituzten Mutiloatik (Iruñea ondokoa), Mutilverari 0-1 irabazita.
Ane Lopez de Herediak sartu zuen partidako gol bakarra. Aukera gehiago izan zituzten, baina inork ez zuen nafarren ate aurrean asmatu. Hiru puntu garrantzitsu lortu dituzte oiartzuarrek, denboraldi bukaeran mailari eusteko borrokarako erabakigarri izan daitezkeen horietakoa.
Mutilen talde nagusiak, berriz, pasa den asteko garaipena irudipena gisa utzi zuen. Izan ere, Real Unionen bigarren taldea bisitatu zuen, eta handik lau gol ekarri zituen. Irundarrek gol guztiak lehenengo zatian egin zituzten.
FUTBOLA
Emakumeen Lehen Nazional Maila
- Mutilvera — Oiartzun: 0-1.
Gizonezkoen Ohorezko Erregional Maila
- Real Union — Oiartzun: 4-0.
Emakumeen Ohorezko Erregional Maila
- Oiartzun — Touring: 3-1.
Gizonen Gorengo Maila
- Pasaia — Oiartzun: 1-0.
Emakumeen Gorengo Maila. Igoera Fasea
- Oiartzun — Astigarragako Mundarro: 2-3.
ARETO FUTBOLA
Gizonen Gipuzkoako Lehen Maila
- Egintza — Oiartzun KE: 1-4.
Gizonen Gipuzkoako Bigarren Maila
- Miren Taberna —Egintza: 2-4.
SASKIBALOIA
Gizonen Gipuzkoako Bigarren Maila
- Oiartzungo Saskilagunek atsedena izan dute asteburuan.
Emakumeen Gipuzkoako Bigarren Maila
- Drunkat Hoops — Oiartzungo Saskilagunak partida bertan behera utzi zuten.
