Lau barrutietan asfaltatze lanak egingo dituzte
240.000 euroko aurrekontua dute horretarako, eta zortzi aste iraungo dute lanek.
Lau barrutietako kaleak hobetzeko planarekin hasiko da udala apirilaren 19ko astean, eta horretara 240.000 euro bideratu dituzte. Izaskun Gomez alkateak lanei buruz dio kaleen zoladurak eta hobekuntzak “eragin handia” duela pasaitarren egunerokoan eta bizi-kalitatean.
Aurreikuspenen arabera, zortzi aste iraungo dituzte lanek, eta lau barrutietako bideak eta oinezkoen pasabideak konpondu eta hobetuko dituzte. Gainera, irisgarritasunaren araua bete beharko dute egokitzapenek. Halaber, seinale horizontalak eta bertikalak hobetuko dituzte.