Ramon Sagarzazu oiartzuarra berriz epaituko du Auzitegi Nazionalak

Dignidad y Justicia elkarteak egin du eskaera eta Sagarzazurekin batera beste 10 euskal herritar ere epaituko dituzte.

Espainiako Auzitegi Nazionaleko Alejandro Abascal epaileak berriz aztertuko du ETAk 2003ko maiatzean Zangozan eginiko atentatu bat BERRIA-k jakinarazi duenez.

Akusatuen artean Ramon Sagarzazu oiartzuarra dago, eta atentatua agindu izana leporatzen diote, Ibon Fernandez, Gorka Palacios, Garikoitz Aspiazu, Aitzol Iriondo, Iñaki Esparza, Mikel Albizu eta Marixol Iparragirrerekin batera. Bestalde, Garikoitz Arruarte eta Gorka Loran ere epaituko dituzte ekintzaren egile material gisa.

Dignidad y Justicia elkarteak eskatu du auzia berriz irekitzea, eta guztira hamar euskal herritar epaituko dituzte berriz. Akusazioaren arabera aurrez prestatutako atentatua izan zen eta horregatik egin du ETAren garaiko zuzendaritzako ustezko kide ziren horien aurka.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.