Arditurri parketxeak ez ditu ateak itxiko Aste Santuan
Hainbat jarduera antolatu dituzte datozen egunetarako, eta aurrez izena ematea gomendatu dute.
Arditurri parketxeak ez ditu ateak itxiko Aste Santuan eta jarduera batzuk antolatu ditu apirilaren 18 eta 24erako.
Lehenik, orientazio jolasa egingo dute apirilaren 18an 10:30etatik 12:10era. Lau euro balio du ekintzak.
Okilak, gure basoetako arotzak irteera gidatua eskainiko dute apirilaren 24ean. Aiako Harriko okilen bizimodua eta ohiturak ezagutzea du xede ibilbideak. Aurretik erreserba egin behar da bertaratzeko eta bisitak 5 euroko prezioa du.
Horrez gain, Arditurriko trena martxan egongo da, eta meategia era horretan ikusteko aukera izango dute interesdunek. Hiru prezio ezarri dituzte bisita mota bakoitzeko; oinarrizko bisitak 5 euro balio ditu, oinarrizko bisita baina 13 urtetik beherakoentzat 3 euroren truke ezarri dute, eta sakoneko bisita egiteko 7 euro ordaindu beharko dira.
Azkenik, Aste Santuan eta Pazko astean zehar meategira egunero egingo dituzte bisitak. Aurre erreserba egitea gomendatu dute, Arditurri parketxearen 943 49 50 69 zenbakira edota Errenteriako turismo bulegoko 943 49 45 21 telefonora deituta.
