Hamar puntukoa izango da asteazkeneko udalbatzarra
Apirileko ohiko udalbatzarra egingo dute asteazken arratsaldean. Xanistebanetan ekitaldiak antolatzeko diru laguntzak banatzeko oinarriak onartuko dituzte, besteak beste.
Ordezkaritza duten taldeek ohiko osoko batzarra egingo dute datorren asteazkenean (hilak 27). 18:30ean hasiko dute saioa. Hamar puntu landuko dituzte orotara, ondorengoak:
- Aurreko batzarrari dagokion aktaren onarpena.
- Oiartzungo Udaleko Finantza Kontroleko Planaren berri ematea.
- Lanbarren poligonoaren garapenerako eraikitako GI-3632 errepidearen oin-horma konpontzeko Gipuzkoako Foru Aldundiaren, Oiartzungo Udalaren eta Lanbarren Parke Logistikoa S.A.ren arteko hitzarmenaren onarpena.
- Oiartzungo Udala eta Haurtzaro Ikastolaren arteko hitzarmenaren aldaketaren onarpena.
- Jabetza pribatuko Agerre baserriko lurrak eta ALT-6 eremuko R1 udal lursailaren arteko lur trukaketa, Oiartzungo Udalaren eta Azpeitia Isasa S.L.ren artean, onartzea.
- 2022 urtean Oiartzungo Xanistebanak jaietan ekitaldiak antolatzeko diru laguntzak banatzeko oinarriak onartzea eta deialdia egitea.
- Beste ekitaldietako ordainagiriak baliogabetzea eta hala dagokionean diru kopuruak itzuli edota ordezko agiri zuzenak igortzea.
- 2022ko lehen hiruhilekoari dagokion aurrekontuaren exekuzioaren, aurrekontuz kanpoko mugimenduen eta diruzaintzaren egoeraren berri ematea.
- Beste organoen jardueraren jarraipena.
- Eskari-galderak.
