Klubeko pilotariek zortzi partida jokatuko dituzte gaur, bihar eta etzi bitartean.
Oiarpeko pilotariek orotara zortzi partida jokatuko dituzte gaur, bihar eta etzi bitartean. Nabarmentzekoa EBI txapelketako Haur Mailako hirugarren kategorian Otaegi eta Elizegik jokatuko duten finalerdia izango da.
Gaur, Madalensoron Sarasola eta Bergarak osatutako bikotea Hernaniren aurka ariko da, 18:45an (azken fasean). 19:00etan aldiz, Azkoitian oraingoan, Iradi eta Caetano oiartzuarrak Azkoitiko bikotearen kontra lehiatuko dira (azken fasean ere); eta 19:30ean, Astigarragan, Galardi eta Iturainen txanda helduko da (azken fasean).
Bihar berriz, klubeko Etxeberria Legazpiko Perezen kontra ariko da, Ataunen (lehen fasean), 16:00etatik aurrera.
Igandeko lehen partida Donezteben jokatuko du Mikel Leonetek, 9:30ean (final erdia izango da). Ordu berean, Donezteben ere, Oihan Etxeberria Odrizolaren kontra lehiatuko da (final erdian ere); 9:30ean ere, baina oraingoan Elizondon, Mikelearena eta Garañoren kontra jokatuko dute euren partida Zabaleta eta Olaiz oiartzuarrek (finala izango da); azkenik, 10:00etan Iruritan, Bertiz eta Lasa oiartzuar bikotea Sukia eta Etxaberen aurka ariko dira, finalean ere.
