EMKE bandak saio bikoitza antolatu du ekainean
Donostiako Orfeoiarekin, Errenteriako Musika Bandarekin eta artista talde handi batekin 'Carmina Burana' klasikoa eskainiko dute.
EMKEk Carmina Burana lana aurkeztuko du Donostiako Orfeoiarekin, Errenteriako Musika Bandarekin eta artista talde handi batekin batera. EMKE bandak bi emanaldi eskainiko ditu ekainean. Lehenengoa ekainaren 17an izango da eta bigarrena 18an. Bi egunetan emanaldiak 20:00etan izango dira Lekuona Fabrikan. Errenteriako Musika Kultur elkarteak, Donostiako Orfeoiarekin, Errenteriako Musika Bandarekin eta artista talde handi batekin batera antolaturiko ekitaldia da eta bertan, Carl Orff-ek sortutako Carmina Burana klasikoa izango da entzungai.
Emanaldiko partaideak: Donostiako Orfeoia, Errenteriako Musika Banda, Borja Rubiños eta Arkaitz Mendoza (pianistak), Ana Otxoa (sopranoa), Aitor Garitano (tenorea), Gabriel Blanco (baritonoa).
Sarrerak hilaren 30etik eskuratu ahal izango dira Lekuona Fabrikaren lehiatilan edo internet bidez hemen.
