Fanderiako tenis pistak aparkaleku gisa aldi baterako
ADIFen obren ondorioz gaueko aparkaleku bat egokitu du Udalak Fanderiako tenis-pistetan. Abuztuan obrak amaitu arte mantenduko da, 21:00etatik 9:00etara.
Gabierrotako biribilgunea, Errenteria-Oreretan. Errenteriako Udalak Fanderiako tenis-pistak aparkaleku gisa egokitu ditu ADIFen obrak irauten duten bitartean. Bihartik aurrera aparkatu ahal izango da tenis-pistetan 21:00etatik 9:00etara.
ADIFeko obren lehen fasea abian da, eta abuztura arte luzatuko dira lanak. Nafarroa Etorbidean ari dira lanean, eta horregatik Gabierrota auzoan aldaketak egin behar izan ditu Udalak. Ibilgailuak Errenteriara bide nagusi horretatik sartu eta irten ahal izan daitezen, Gabierrota pasealekuaren erditik Lartzabaleraino dauden lineako aparkalekuak desgaitu behar izan ditu udalak. Baterian dauden aparkalekuak, ordea, mantenduko dira.
Fanderiako tenis-pistetan 50 plaza egongo dira, eta esan bezala, gauez erabili ahal izango dira ADIFeko lanak amaitu arte.
