Hizkuntza normalizazioan eragiteko hainbat laguntza emango ditu udalak
Gaurtik aurrera eska daitezke diru laguntzak. Berrikuntzen artean, TicketBai programarekin eta PuntuEus domeinuarekin lotutako laguntzak aurki daitezke.
Hizkuntza normalizazioan eragiteko diru laguntzak emango ditu Oiartzungo Udalak. Batetik, euskara ikasteko eta hobetzeko laguntzak emango dituzte, bestetik, arlo soziekonomikoan euskararen erabilera sustatzekoak, eta azkenik, UEUk antolatutako ikastaroak egiteko eta udalerriz gaindi euskara sustatzen dabiltzan erakundeentzako laguntzak emango dituzte.
Arlo soziekonomikoari dagokionez, aurten bi berrikuntza egongo direla iragarri dute. Izan ere, Ticket Bai programaren euskarazko bertsioa jartzeko laguntza eta PuntuEus domeinua eskuratzeko aukera ere emango dute. Gaurtik eska daitezke arlo honetako laguntzak, baita UEUko ikastaroak egitekoak ere. Abenduaren 1a izango da azken eguna.
Arlo sozioekonomikorako 21.8000 euro bideratuko ditu udalak, eta zatirik handiena (51.000 euro) euskara ikasi edo hobetu nahi duten herritarrek jasoko dute. Laguntza hauek urriaren 3tik 28ra bitarte eskatu beharko dituzte 2022/20223 ikasturtean ikasle izango direnek.
