Datozen urteetan emango dituzten pausuak "elkarrekin adostera" deitu ditu bazkideak Laborek
Batzar nagusia egingo dute datorren hilaren 14an (larunbata da). Haurtzaro Ikastolan bilduko dira.
Labore Oarsoren egoitzan lan egingo du administrariak. Labore Oarsok 2022ko batzar nagusia egingo du hurrengo larunbatean (hilak 14). Haurtzaro Ikastolako areto nagusian bilduko dira, 11:00etan. Bertaratzeko aurretik izena eman beharko dela jakinarazi du kooperatibak, dendan bertan edo helbide honetara idatzita apunta daitezke herritarrak.
2021. urtean hainbat lur lantzen ibili dira Laborekoak, lan talde ezberdinak osatu dituzte eta guzti horren gaineko xehetasunen berri emango dute hilaren 14ko saioan. “Zein izan behar dira Laboreren lehentasunak? Zer egin genezake helburu horiek lortzeko?”, galdera horiei erantzuna emango diote batzarrean. Bazkideei bertaratzeko deia egin diete, “datozen urteetan Laboren emango ditugun pausuak elkarrekin adostu ditzagun”.
