Aurtengo Euskaraldia antolatzeko lehen bilerara deitu dituzte oiartzuarrak
Hirugarren edizioaren berrikuntzak aurkeztuko dituzte datorren ostegunean, eta ariketa masibo hori herrian nola egin eta girotuko duten hausnartuko dute bertaratutakoek.
Euskaraldiari begira jarri dira jada herriko hainbat norbanako eta eragile, eta aurtengoa prestatzen hasteko bilerara deitu dituzte oiartzuarrak. Datorren ostegunean (hilak 26) bilduko dira, 18:00etan, udaletxeko pleno aretoan.
Bilkura honetan hirugarren edizio honen berrikuntzak aurkeztuko dituzte, eta ariketa masibo hori herrian nola egin eta girotuko duten hausnartuko dute bertaratutakoek. “Korrikaren lekukoa hartu eta Euskaraldia prestatzen jarriko gara, hitzez ekiteko garaia heldu da eta”, esan dute Oiartzungo Euskaraldiko sustatzaileek. Oiartzuar orori luzatu diote gonbita.
