Atsolorraren zapia jantziko diete oiartzuar berriei
2021ean jaiotako haurrei ongi etorri beroa egingo diete igandean, Arizmendieneako lorategian.
Iaz jaiotako haurrek eta haien gurasoek zita garrantzitsua dute igande honetan (hilak 22), atsolorra egingo baitiete. Urteroko ohiturekin jarraituz, ongi etorri beroa emateko zapi bana jarriko diete oiartzuar berriei, txalaparta, musika eta bertsoek lagunduta. Udalak eta familiek antolatu dute ekitaldia, eta Arizmendieneako lorategiak jasoko du. 10:30etan jarri dute hitzordua.