Iaz jaiotako 55 haurri jantzi diete atsolorraren zapia
Atzoko atsolorrak "errespetuan, bizitza zoriontsuan eta euskaraz zein euskal kulturan hezteko konpromisoa" irudikatu zuen. Inoizko parte hartzaileena izan zen.
Iaz jaiotako haurrek ongi etorri beroa jaso zuten atzo, atsolorra elkarrekin ospatu zuten hamarka eta hamarka lagunek. Txiki utzi zuten Arizmendieneako lorategia bertaratutakoek. 55 haurri jarri zieten zapia atzoko ekitaldian, inoizko parte hartzaileena izan zela azaldu du udalak, “atsolorra erabat errotuta dagoenaren seinale”.
Musikak lagundutako saioa izan zen. Eñaut Leunda txistuan aritu zen, Jurgi Aldalur eta Joana Aurrekoetxea txalapartan, Ander Lizarralde bertsotan eta Dabid Muñoz gitarran. Izaro eta Lohizune Telletxea ahizpek ere musika saioa eskaini zuten, hiru kanta kantatu zituzten.
Aurten, gainera, aiton-amonek ere bertaratzeko aukera izan dute, COVID-19agatik azken bi urteetan soilik gurasoak joan ahal izan baitira. Lorategia bete-beteta utzi zuten haurren senideek.
Atzoko atsolorrak “errespetuan, bizitza zoriontsuan eta euskaraz zein euskal kulturan hezteko konpromisoa” irudikatu zuen, Iosune Cousillas Kultura zinegotziaren hitzetan.
