XVI. Koldo Mitxelena Bekara lanak aurkezteko azken egunak
Asteartean (hilak 15) itxiko dute lanak aurkezteko epea. LGTBI+ pertsonentzat edota mugimenduarentzat interesgarriak izan daitezkeen gizarte eta giza zientzien edozein ikuspegitik ekarpenak proposatzen dituzten proiektuak onartuko dituzte aurten.
Datorren asteartea (hilak 15) izango da XVI. Koldo Mitxelena Ikerketa Bekarako proposamenak aurkezteko azken eguna, hala gogorarazi du udalak. Onuradunak 15.000 euroko beka jasoko du, eta 18 hileko epean bukatu beharko du ikerketa lana.
Aurtengoan LGTBI+ pertsonentzat edota mugimenduarentzat interesgarriak izan daitezkeen gizarte eta giza zientzien edozein ikuspegitik ekarpenak proposatzen dituzten ikerketa proiektuak onartuko dituzte. Banaka edo taldeka eska daiteke beka.
Informazio eta xehetasun guztiak lotura honetan kontsulta daiteke.
