100 urte bete ditu Elixabete Jone Olaziregi Etxebarriak
Urte luzez Olaziregi botikaren arduradun izandakoa da Elixabete Jone. Beti izan ditu gustuko aktualitatea, eta politika.
Gaur bete ditu 100 urte Elixabete Jone Olaziregi Etxebarriak. Jaiotzez gasteiztarra da, Jesusa Etxeberria hangoa zelako; haren aita Florencio Olaziregi zen. Kapitainenea kalean bizi izan zen 1953an Jose Antonio Muruarekin ezkondu arte: Javier, Alfonso eta Jose Antonio ditu seme, eta biloba bakarra du, haren izen berekoa, Elixabete Murua. Hiru anai-arrebetatik zaharrena da.
Olaziregik kontatzen du 1923ko martxoan jaio zenez, Primo de Riveraren diktaduraren aurretik alegia, erregistroan izena euskaraz jartzen utzi zietela haren gurasoei; “aita euskaltzale amorratua zen, Eusko Alderdi Jeltzaleko kidea”. Marcial Olaziregi Errenteriako alkate izandakoaren biloba da Elixabete Jone Olaziregi. Aldi berean, 2023ko maiatzaren 28ko udal hauteskundeetarako Errenteriako EAJren zerrendaburua bere iloba da, Elixabete Murua. Beti izan du politikarekiko eta aktualitatearekiko interesa gaur mendea bete duen errenteriarrak.
Herrian, Eli botikakoa bezala da ezaguna, 1950eko hamarkadatik aurrera Olaziregi botikaren arduradun izan zelako, 1994an erretiroa hartu zuen arte. Farmazia ikasketak Madrilen eta Santiagoko (Galizia) unibertsitateetan egin zituen botikari ikasketak “Lanean izandako urteen oso oroitzapen onak ditut”, dio. Botikako lana oso gustuko zuen, baita bertan egin zituen harremanak ere
