Martxoaren 8ra begirakoak aurkeztu ditu Lezoko Emakume Taldeak
Martxoaren 8rako manifestazioa, eta hilaren 10erako bertso afaria antolatu dituzte herriko eragileekin elkarlanean.
Lezoko Emakume Taldeak Martxoaren 8ra begira antolatu dituen jardueren eta mobilizazioen berri eman du. Elkarlanaren bidetik dira antolatutakoak, jendartearen eragiteko egunean bertan, eta aurrerantzean.
Martxoaren 8an, Gaxuxarekin batera, manifestaziora deitu dituzte lezoarrak. 19:00etan aterako da martxa Gurutze Santuaren plazatik.
Martxoaren 10ean, berriz, bertso afaria egingo dute Tiñelu Elkartearekin elkarlanean eta Lezoko Udalaren laguntzarekin. 21:30ean hasiko da, eta txartelak Tiñelun (Ibai Ondon da afaria) eta AEK Oroitzene euskaltegian eros daitezke, 20 euroan (ikasle eta langabeentzat 15): menua orojalea, barazkijalea edo berezia (abisua eman behar da) izango dira. Jatekoaz gain, menuaren zati izango dira Saioa Alkaiza eta Maddi Ane Txoperena bertsolariak.
