Hiru Binaka-rako sarrerak, Landetxen eskuragarri
Ostiralean hiru artista bikotek beraien kolaborazioak erakutsiko dituzte. Doakoa izango da sarrera, baina eskuratu egin behar da, antolakuntza errazteko.
Hiru Binaka-ko iazko lanetako bat. Pasa den asteburuan hasi zen Oiartzungo Arte Egunen egitaraua, Zorioneko antzezlanaren bi emanaldirekin. Datorren asteburuan jarraituko du, hainbat ekitaldirekin.
Horietako bat izango da Kulturabirusean sortutako Hiru Binaka iniziatibaren ekitaldi berri bat izango da. 19:00etan hasiko da, eta hiru agertokitan eskainiko dituzte beraien lanak. Gero txandakatzen joango dira taldeak.
Antolakuntzak jakinarazi duenez, doakoa izango da saioak ikustea. Hala ere, sarrera eskuratu beharko da, antolakuntza errazteko. Landetxeko tabernan eskuratu behar dira.
Izan ere, talde bakoitzak —txartelen koloreak finkatuko du— abiapuntu ezberdina izango du. Lehen saioa bukatzean, bigarrenera joan beharko dute, eta ondoren, hirugarrenera.
Honakoa izango da Hiru Binaka-ren egitaraua:
-
Xabi Lopez eta Teresa Jareño. Ibargainen; B plana, bibliotekako Ikasle gela.
-
Maite Gonzalez eta Josu Ibarguren. Arizmendienean; B plana, udaletxeko pleno aretoan.
-
Naroa Zabaleta eta Dani Picazo. Hipatiaren Lorategian; B plana, Elizalde/Haurtzaron.
Poesia Eguna eta azoka
Hiru Binaka ez da Arte Egunen eskaintza bakarra izango da. Larunbatean poesia izango da ardatza. Igandean sortzaileen azokarekin gozatzeko aukera izango da, zimitiyuan. Honakoa izango da egitaraua:
Hilak 9, larunbata
- Poesia Eguna. Gaia: Plazera. 11:00etan hasita. Altzibarreko bidegorriko soroan. B plana, Iturriozko frontoia. Sarrera librea.
- Sortzaile eta artezaleen bazkaria. 14:00etan, Bazkun Zahar elkartean.
- Ana Galarraga eta Petti: Frankenstein agurgarria. Arizmendienean; B plana, udaletxeko pleno aretoan. Sarrera librea.
Hilak 10, igandea
- Sortzaile eta artisauen azoka. Eliza inguruan; B plana, Kontzejupean.
