Manifestuarekin eta popper dosiarekin hasiko da Hitzen Lihoa
Hitzen Lihoa kultur zikloaren seigarren ekitaldia abiatuko da gaur. Manifestua irakurriko dute, eta ondoren Danele Sarriugartek eta Miren Narbaizaren txanda izango da.
Danele Sarriugarte idazlea, Miren Narbaizarekin batera, izango da gaurko protagonistetako bat. Hitzen Lihoa kultur zikloaren seigarren ekitaldia hasiko da gaur arratsaldean. 19:00etan, Landetxe aretoan, zikloaren antolatzaileek aurtengo zikloarentzako prestatutako manifestua irakurriko dute. Utopia da aurtengoaren gaia.
Ondoren, Danele Sarriugarte idazleak eta Miren Narbaiza musikariak Popperra, afterra, utopia testua ardatz izango duen emanaldia taularatuko dute.
“Etorkizunaz idazteko eskatu zioten Danele Sarriugarteri, eta orainean ez etsitzearen garrantziari eskaini zion Popperra, afterra, utopia izeneko testua”, argitu dute antolatzaileek. “Dantza egitea izan daiteke biharra eraikitzeko modu bat, eta horretan lagun izango ditu Miren Narbaizaren erritmoak”.
Ekitaldia doan izango da, baina gonbidapena hartu beharko da, online.
Igandera bitartean, beste zazpi ekitaldirekin gozatzeko aukera izango da. Egitarau osoa kontsulta daiteke esteka honetan.
