
Gizonezkoen euskal selekzioaren eta Txileren arteko partida jasoko du igande honetan herriak. Hilaren 14an hasiko den Munduko Txapelketa prestatzeko baliatuko dute partida txiletarrek.

Oiartzungo Feministen Asanbladak Barakaldoko erailketa matxista salatzeko elkarretaratzea deitu du. Gaur izango da, 18:30ean, plazan.

Katxiporreta pailazo kooperatibaren eta Aranzadi Zientzia Elkartearen elkarlanaren ondorioa da ipuin diskoa. Albaolan egin dute aurkezpena, eta hiru abestiren bideoklipak grabatu dituzte Albaolako Lagun Txikienekin batera.

Datozen 6 hilabeteetarako kultur egitaraua aurkeztu du Pasaiako udalak: antzerkia, musika, zinema, dantza, hitzaldiak, ipuin kontaketak eta kultur topaketak aurreikusi dituzte.

Hilaren 12an izango da ikuskizuna, 17:00etan, Landetxen. Sarrerak aurrez erosi behar dira, eta eskuragarri daude dagoeneko.

Igande arratsaldean Antxon, Donibanen, San Pedron eta Trintxerpen izango dira Meltxor, Gaspar eta Baltasar. Desfileek trafikoan eragina izango dute.

Laurak Bat elkarteak eta udalak elkarlanean, bi pantaila jarri dituzte Antxon eta Trintxerpen. Hauetan, informazioa, ordutegiak, promozioak eta oharrak kontsulta daitezke, besteak beste.

Urte Berriko kontzertua astelehenean izango da, hilaren 6an, 12:30ean Koldo Mitxelena ikastetxearen jolastoki estalian, Alain Aierdi Gurpegik zuzenduta.

Etxeetan banatu duten agendan akats bat dago; Muxikoak hilaren 25ean direla jartzen du, baina hilaren 26an –igandea– da hitzordua.

Mariasun Landa Sarietarako lanak aurkezteko epea zabaldu du Errenteriako Udalak, hamabosgarrenez.