



Antolatu duten autobusa 14:30ean irtengo da Donibanetik; elkartasun hamaiketakoa antolatu du ikasleen euskara taldeak dirua lortzeko.

Feminismo para principiantes, goiburu hori duen hitzaldia jasoko du Denda kaleko Kultur Etxeak hilaren 11n, asteartez, 19:00etan. Nuria Varelak emango du hitzaldia eta denentzat libre izango da. Emekik antolatzen du ekitaldia, Emakunderen eta Hondarribiko Udalaren laguntzarekin.

Muga historikoak ezartzeko eskaera entregatu du gaur Pasaiako Udalak aldundian; mugen batzordeko kideak izan dira eskaria helarazten, Amaia Agirregabiria buru zutela. Herriko eragileei datorren astean emango diete mugen auziaren gaineko informazioa.

Proposamena onartua izan da oposizioak egindako hainbat emendakin aintzat hartuta; proposamena aurrera egin zezan alkatearen kalitatezkoa botoa beharrekoa izan da.

2002 eta 2009 urteen artean jaiotako haurrei zuzenduta daude tailerrak. Larunbatero izango dira, 16:30etik 18:30era. Tentsioa askatzen, musikarekin jolasten, igeriketan eta kirol egokituan aritzen ikasiko dute.

Gaztelaniazko literatura tailerra bilduko da astearte eta asteazkenean (hilak 4 eta 5), Zuloaga Etxean, 16:00etan. Julia Otsuka egile estatubatuarraren Buda en el ático liburua landuko dute.

Sabino Cuadrak hitzaldia emango du ostegunean, hilak 6, Kultur Etxean (Denda kalea). Arrojado a los leones liburua aurkeztuko du eta egungo egoera politiko eta sozialari buruzko bere ikuspegia azalduko du. 19:30ean hasiko da eta sartzea librea izango da.

Ostegunetik larunbatera, Niessengo zinemetan 19:30etik aurrera, film laburrak ikusteko aukera izango da, dohainik. Sari banaketa igandean egingo dute.