

Aurten San Fermin jaiak uztailaren 4tik 8ra ospatuko direla erabaki du jai batzordeak. bide batez, jai egitarauaren azala eta jaien irudia izango den kartela hautatzeko lehiaketa abian dela gogorarazi dute. Maiatzaren 12ra bitarte jasoko dituzte lanak. Lehiaketako arauak Udalaren webgunean topa daitezke. Bestetik, jaietan argitaratzen den aldizkarian inork lanen bat argitaratu nahiko balu, lan horiek jasotzeko azken eguna maiatzaren 12a izango dela ohartarazi dute. Idazkiak antxokojaiak@gmail.com helbidera igorri behar dira. Azkenik, jai batzordeak gogorarazi nahi du, asteazkenero biltzen dela, 20:00etan, azokan, eta parte hartzeko deia luzatu dute.


San Pedro eta San Martzial jaien astearteko ekitaldiak.

Atez atekoa sistema "onena" dela iritzi diote taldean bildutakoek Asteazkenean eta ostegunean egingo dituzte Trintxerpen hondakinak atez ate biltzeko sistema berriaren inguruko batzarrak, eta San Pedron sistema berriaren alde eratu den taldea haietara joateko eskaera luzatu du: "benetan birziklatu nahi duten herritarrei dei egin nahi diegu datorren astean Trintxerpen Udalak deitu dituen batzarretan parte hartzera.

EAJk antolatuta Iñaki Anasagastik hitzaldia eskainiko du ostegunean, Pasai Antxoko kultur etxean, 19:00etan. Jarrones chinos liburua aurkeztu Anasagastik eta monarkiaren azken mugimenduen inguruko hausnarketa gidatuko du.