


Ama Guadalupekoa judo taldeko Lidia Yarza eta Garikoitz Sagarzazu podioko goiko koskara igo ziren atzo Hernaniko udal kiroldegian egin zen senior mailako Euskadiko Judo Txapelketan. Txapelketan parte hartu zuen taldeko hirugarren ordezkariak, Amaia Curielek, brontzea lortu zuen.


Elkarretaratze batek amaiera eman Haziaren eta Ibai Esteberlanda gaztearen kontra egiten ari diren epaiketak "politikoak" direla salatzeko Irunen bi egunez egin duten ekintza multzoa. Besteak beste, kanpaldia, hitzaldiak, poteo informatiboa, aerobika, herri bazkaria... eta beste hamaika ekintza egin dituzte atzo eta gaur artean.

Hilaren 8an hiru miaketa egin zituen HONDAE elkarteak Jaizkibel mendian, ustez, Ptolomeo geografoak II. mendean Afroditaren tenplua kokatu zuen eremuan. Hiru miaketa txiki egin zituzten baina eraikin handi baten arrastoak aurkitu zituzten. Urteagak eraikin handia dela eta Karlistada garaiko defentsa lerroarekin zerikusirik ez duela nabarmendu du. HITZA bertan izan zen HONDAEko kideekin batera eta bihar kontaketa egingo du papereko edizioan.
