Bost hautagaitza, alkatetza bakarra
Bost hautagaitzetatik hirutan emakumeak dira alkatetzarako hautagaiak. EH Bilduren hautagai eta egungo alkate Aizpea Otaegi, da zerrendako lehen postuan errepikatuko duen bakarra.
Bosta hautagaitza aurkeztu dituzte maiatzaren 28ko udal hauteskundeetan alkatetza eta Errenteriako Udaleko 21 eserlekuetako bat eskuratzeko. Berritasunik ez aurkeztutako alderdiekin, 2019an aurkeztutako berak dira agertokian lau urte geroago. Alkatetzarako hautagaien artean, hiru emakume, eta bakarrak errepikatuko du hautagaitza, EH Bilduko ordezkari eta egungo alkate den Aizpea Otaegi.
PSE-EE alkatetzarako hautagai berriarekin heldu da. Alkatetzarako berria bai, baina ezaguna, alderdi sozialistako zerrendako kide izan delako aurreko hautagaitzetan eta alderdiaren bozeramaile gaur egun. Isaac Palencia da sozialisten zerrendaburua.
EAJk ere aurkeztu du bere zerrenda. Elixabete Murua da aurpegi berri dezenterekin osatutako zerrendako buru, eta lehen aldia izango du alkategai aurkezten dena. Agintaldi honetan zinegotzi eta jeltzaleen bozeramaile da jeltzalea.
Elkarrekin Podemosen zerrendaburua ere emakume bat: Maite Gartzia. Bera ere lehen aldiz aurkeztuko da alkatetzarako lehian parte hartzeko, ez ordea moreen zerrendan, haiekin zinegotzi bihurtu zelako 2019an.
Aurkeztu diren zerrenden artetik egun udal ordezkaritza ez duen bakarra PPrena da. Alderdi horrek ere aurkeztu du hautagaitza, eta lehen postuan Antonio Vicente Zubikoa donostiarra aurkeztu du.
Atzo argitaratu zituzten Gipuzkoako Aldizkari Ofizialean maiatzaren 28ko udal hauteskundeetarako aurkeztu diren hautagai zerrendak. Hemen klik eginda Errenteria-Oreretako hautagaitzak ikus daitezke.
