
COVID-19aren osasun larrialdian bizitza galdu dutenak gogoan, haga erdian dira herri sarrerako ikurrinak eta herriko armarria eta dolu-xingola duen bandera jarri dute udaletxean.

Madalenetako omenduen izendapena hutsik uztea onartu zuen atzo plenoak, aho batez. Horren gaineko prentsa oharra helarazi du Elkarrekin Errenteriak-IUk gaur komunikabideetara.

Udalen finantziazio murrizketen aurrean, Gipuzkoako Foru Aldundiarekin lerrokatu izana leporatu die EH Bilduk jeltzale eta sozialistei. 2.346.393 euro gutxiago jasoko ditu Pasaiak.

Patxi Ruiz Txantreako euskal presoak hamazazpigarren eguna egin du gose greban gaur; lehenengo hamabietan, egarri greba ere egin du. Egunero ari dira Ruizi elkartasuna erakutsi eta Murtzia II espetxean bizi duen egoera salatzeko protesta egiten Errenteria-Oreretan.

Sarek Izan bidea iniziatiba martxan jarri du, preso edo errefuxiatuta dauden pertsonen egoera irtenbidean eragiteko. Igande eguerdian aurkeztuko dute.

Bigarren fasean sartuta, jendeak are eta gogo gehiagorekin hartu ditu kaleak. Herritar ugarik Pasai Donibanek eskainitako arratsalde politaz gozatu ahal izan zuten.

Omendu ofizialik ez, baina aurten ez ohikoak izango diren madalenetan balioan jarriko du udalak komunitatearen erantzuna, "herri gisa erantzun izana".

Datorren igandean ospatuko lukete Urmendi Eguna, baina COVID-19ak behartu du bertan behera uztea. Ez dute beste ekitaldi batekin ordeztuko.

Telematikoki egindako lehen udalbatzarrean, pandemiaren biktimei elkartasuna adieraztearekin batera, herritar guztiek egindako "ahalegina" eskertu zuten lau udal taldeek.

Eguraldi onak lagunduta, jendetza ateratzen da kalera. Maskarak nagusi dira, eta bi metroko tartea errespetatzea oso zaila egiten da toki batzuetan.

Pandemiarekin berrasmatzea tokatzen ari zaio bati baino gehiagori. Horren harira, eta udaberriari keinu eginez, maskara horiek kolorez eta lorez janzteko gonbita luzatu du Idoia Lizeaga sortzaileak. Tailerra antolatu du horretarako.

Kauso, Martuzenegi, Pikokarate eta Zaria mendietan identifikatu gabeko ganadua ikusi dute. Jabeei ekainaren 2ra arte epea eman diete hortik ateratzeko.

COVID-19a garaitzetik gertu Oarsoaldean: hamaseigarren eguna PCR positiborik gabe. Gaur eman ditu Osasun Sailak azken orduetako datuak.

Lezoko Tomas Garbizu Musika Eskolan izena eman daiteke, hilaren 29ra arte. 2020-2021 ikasturtea irailaren 7an hasiko dute.

DBH1ekoei diru kopuru osoa itzuliko diete. DBH2ekoek bi aukera izango dituzte, errifak saltzen jarraitzea edo ez dituztenak saldu itzultzea.

Hilaren 28tik uztailaren 2ra arte martxan izango da posta bidezko botoa tramitatzen laguntzeko zerbitzua, alderdiak Trintxerpen duen egoitzan.

Haien etorkizuna arriskuan dela ikusarazteko, elkarretaratzea egingo dute bihar Trintxerpeko alkateordetzan 12:00etan. Pasaiako Udalari iragarritakoak betetzea eskatuko diote.

2009 eta 2012 artean jaiotako neska-mutilek eman dezakete izena Touringen futbol eskolan parte hartzeko.

Bulegoaren ordutegia: astelehenetik ostiralera 10:00etatik 13:00etara eta 17:00etatik 20:00etara.