
Memoria Historiko Feminista eraikitzeko urrats erraldoia egin dute Errenteria-Oreretan, 'Ulertzea, bizitzaren bila. Emakume gazteen bahiketa eta bortxaketa, 1979-1980' liburua osatuta. Atzo aurkeztu zuten; argia eman diete gertakariei, baina inpunitateak indarrean jarraitzen du 45 urte geroago. Feminismotik ikertzen jarraitzeko eskaera egin dute.

Egunotan egitekoa zen Euskaraldiaren laugarren edizioa atzeratzea erabaki dute, udaberriarekin batera helduko da euskararen aldeko ariketa erraldoia. Berritasunak izango direla aurreratu du Albizuk.

Greba mugagabean dira adinekoen egoitzako langileak, bost langileren kaleratzea ekidin, eta langile guztientzat lanaldi osoko kontratuak bermatzeko.

Hamabost egun naturaleko epea ireki dute proposamenak aurkezteko, beraz, abenduaren 13a izango da horiek aurkezteko azken eguna.

Juan Ramon Makuso Becquer eta Lizardirekin egin zen poesiaren zale, nerabezaroan, eta hainbat lan ditu argitaratuak. Filosofiako ikasketak egin zituen, eta Filosofiako irakaslea da gaur egun, Irungo Pio Baroja institutuan.

Haur eta gurasoei begirako egitaraua antolatu dute hainbat eragilek elkarlanean datorren astearterako.

Pasaiara iritsi berri diren LHko eta DBHko ikasleak euskarara gerturatu eta haien integrazioa ahalik eta «goxo eta naturalena» izan dadin, harrera saio bereziak egiten ari dira ikastetxeetan.

Oiartzungo Udala buru-belarri ari da lanean klima aldaketari aurre egiteko, eta bide horretan, 2030erako herri bezala lortu beharreko erronkak zehaztu ditu.

Euskaltegietan askotariko jatorridun ikasleak daude. Euskara indartzeko ezinbestekoa da haiek ere hizkuntzara hurbiltzea. Lezoko Oroitzene AEK, horren adibide.

Euskararen erabilera areagotzeko plana osatu du Oiartzungo Udalak, eta bertan 2027. urtera bitartean lortu nahi dituzten eta gauzatuko dituzten ekintzak zehaztu dituzte.

Urdaburu Mendizale Elkarteak 'Tinto ibaiko koloreen sinfonia' ('Sinfonía de colores en Río Tinto') argazki erakusketa egingo du hilaren 17an.

Bi Eguberriko kontzertu antolatu dituzte hilaren 15erako. Lehena, Karnaba Otxotea eta Donostiako Orkestra Barrokoarena; bigarrena, Andra Mari Abesbatzaren 'Noela, Eguberri anuntzio'.

Inge Arin Larrañagak egin du errealizazioa eta edizioa, eta musika originala Aratz Gomez Larrañaga eta Brice Quillartenak dira.

LH3 eta LH6 arteko ikasleentzako 'Filosofiaren Plaza' antolatu dute hilaren 13rako.

Antolatzaileek baserritar jantziarekin joateko deia egin dute, eta, saria egongo dela ere jakinarazi dute.

Metrokoadroka antzerki konpainiak 'Zeozertan dabil baina ez dakit zertan' obra eskainiko du igandean Gezalan. Familia baten gorabeherak taularatuko dituzte.

Haurrentzako antzerkia 17:15ean hasiko da Gezalan, ostiralean (hilaren 13an) Rosa Martinezen txotxongilo obra da.

Saioan Oihana Aranak, Haizea Aranak, Maider Arregik eta Maialen Akizu bertsolari gazteek parte hartuko dute. Hilaren 20an izango da hitzordua, Antxoko Kultur Etxean. Sarrera doakoa da.

Beraungo zubian babes pantailak ezartzeko eskaera Bizarain Ikastolako ikasleen Guraso Elkarte eta Beraungo auzo elkartearengandik zetorren. Uztailetik azaro arte iraun zuten lanek.

Lehena hilaren 13an izango da, Nafarroaren historiari ardatz. Bigarrena hitzaldia da, eta hilaren 14rako antolatu dute.